"Real Madrid" yarim himoyachisi Federiko Valverde va "Vilyarreal" yarim himoyachisi Aleks Baena o‘rtasidagi mojaro tafsilotlari o‘yin yakunlanganidan keyin ma’lum bo‘ldi. “Qaymoqranglilar” futbolchisi "Vilyarreal" futbolchilari avtobusga chiqib ketayotgan vaqtda Baenaga hujum qildi.

Marca nashri xabariga ko‘ra, futbolchilar o‘rtasidagi ziddiyat yanvar oyidagi kubok o‘yinidan beri davom etmoqda. O‘sha uchrashuvda Baena Valverdega nisbatan qo‘pol o‘ynagan va unga bir necha bor haqoratomuz so‘zlarni aytgan. Kechagi o‘yinda ham Aleks yana Federikoga nisbatan "shirin" so‘zlarini ayamagan, oxir-oqibat urugvaylik futbolchi bunga chiday olmagan.

Eslatib o‘tamiz, kechagi uchrashuv madridliklarning 2:3 hisobidagi mag‘lubiyati bilan yakunlandi.