"Feyenoord" yarim himoyachisi Orkun Kekchyu faoliyatini Angliyada davom ettirishi mumkin, deb xabar beradi 1908.nl.

Manbaga ko‘ra, 22 yoshli turkiyalik futbolchiga "Manchester Yunayted" da’vogarlik qilmoqda. Erik ten Xag shaxsan futbolchi bilan ehtimoliy transfer haqida gaplashgan. Oldinroq yarim himoyachiga "Arsenal"dan qiziqish borligi haqida xabarlar tarqalgan edi.

Joriy mavsumda Kekchyu 38 ta o‘yinda maydonga tushib, 12 ta gol urdi va 4 ta golga assistentlik qildi. Transfermarkt portali uning narxini 30 million yevroga baholamoqda.