Myunxenning “Bavariya” klubi yarim himoyachisi Kingsli Koman “Manchester Siti”ga qarshi Chempionlar ligasi 1/4 finalidan umidlari bilan o‘rtoqlashdi. Eslatib o‘tamiz, jamoalar o‘rtasidagi ilk o‘yin ertaga "Etihad Stadium"da bo‘lib o‘tadi.
"Manchester Siti"ga qarshi o‘yinda biz o‘zgacha kuch bilan himoyalanishimiz kerak. Biz alohida motivasiya bilan o‘ynashimiz va g‘alaba qozonish uchun bor kuchimizni ishga solishimiz kerak. Biz Chempionlar ligasidagi barcha o‘yinlarimizda g‘alaba qozonishga muvaffaq bo‘ldik, qiyin raqiblarga qarshi o‘ynash har doim qiziqarli. Agar biz eng yaxshi futbolimizni ko‘rsatsak, hamma narsa sodir bo‘lishi mumkin. Biz kerakli natijaga erisha olishimizni bilamiz”, - dedi Koman “Bavariya” rasmiy saytiga bergan intervyusida.