Мюнхеннинг “Бавария” клуби ярим ҳимоячиси Кингсли Коман “Манчестер Сити”га қарши Чемпионлар лигаси 1/4 финалидан умидлари билан ўртоқлашди. Эслатиб ўтамиз, жамоалар ўртасидаги илк ўйин эртага "Этиҳад Стадиум"да бўлиб ўтади.

"Манчестер Сити"га қарши ўйинда биз ўзгача куч билан ҳимояланишимиз керак. Биз алоҳида мотивация билан ўйнашимиз ва ғалаба қозониш учун бор кучимизни ишга солишимиз керак. Биз Чемпионлар лигасидаги барча ўйинларимизда ғалаба қозонишга муваффақ бўлдик, қийин рақибларга қарши ўйнаш ҳар доим қизиқарли. Агар биз энг яхши футболимизни кўрсатсак, ҳамма нарса содир бўлиши мумкин. Биз керакли натижага эриша олишимизни биламиз”, - деди Коман “Бавария” расмий сайтига берган интервьюсида.