Federiko Valverdening Aleks Baenaga hujumi bo‘yicha ish kelasi haftada ko‘rib chiqiladi.

AS nashri xabariga ko‘ra, 17 aprel kuni zo‘ravonlik, irqchilik, ksenofobiya va sportdagi murosasizlikka qarshi kurash bo‘yicha davlat komissiyasi yig‘ilish o‘tkazadi, unda polisiyadan tegishli materiallar kelib tushgan taqdirda vaziyatni o‘rganiladi (buning ehtimoli katta - agar "Vilyarreal" futbolchisining o‘zi arizani qaytarib olmasa) .

Ikkita hujjat ko‘rib chiqiladi: yarim himoyachining chap yonoq suyagi shikastlangani haqida tibbiy xulosa va "Real" futbolchisiga nisbatan polisiya shikoyati.

Qayd etilishicha, agar ariza qaytarib olinmasa, jinoiy prosess qo‘zg‘atilishi muqarrar, shikast yengil, ya’ni jarrohlik yoki davolanishni talab qilmasa, ish jarima bilan cheklanishi mumkin.

Sport va intizomiy choralar ko‘rishga kelsak, komissiya ishni Ispaniya Qirollik futbol federasiyasiga yuborishi mumkin (u Valverdeni 2 dan 4 ta o‘yinga chetlashtirishi mumkin) yoki jazoni mustaqil ravishda belgilashi mumkin (minimal bir oydan olti oygacha bo‘lgan sport inshootlariga tashrif buyurishni taqiqlash).