Федерико Вальверденинг Алекс Баэнага ҳужуми бўйича иш келаси ҳафтада кўриб чиқилади.
AS нашри хабарига кўра, 17 апрель куни зўравонлик, ирқчилик, ксенофобия ва спортдаги муросасизликка қарши кураш бўйича давлат комиссияси йиғилиш ўтказади, унда полициядан тегишли материаллар келиб тушган тақдирда вазиятни ўрганилади (бунинг эҳтимоли катта - агар "Вильярреал" футболчисининг ўзи аризани қайтариб олмаса) .
Иккита ҳужжат кўриб чиқилади: ярим ҳимоячининг чап ёноқ суяги шикастлангани ҳақида тиббий хулоса ва "Реал" футболчисига нисбатан полиция шикояти.
Қайд этилишича, агар ариза қайтариб олинмаса, жиноий процесс қўзғатилиши муқаррар, шикаст енгил, яъни жарроҳлик ёки даволанишни талаб қилмаса, иш жарима билан чекланиши мумкин.
Спорт ва интизомий чоралар кўришга келсак, комиссия ишни Испания Қироллик футбол федерациясига юбориши мумкин (у Вальвердени 2 дан 4 та ўйинга четлаштириши мумкин) ёки жазони мустақил равишда белгилаши мумкин (минимал бир ойдан олти ойгача бўлган спорт иншоотларига ташриф буюришни тақиқлаш).
