"Inter" bosh murabbiyi Simone Indzagi jamoasining Chempionlar ligasi 1/4 finalidagi raqibi - "Benfika"ning saviyasi haqida gapirdi.

Birinchi uchrashuv 11 aprel kuni Lissabonda, javob uchrashuvi 19 aprel kuni Milanda bo‘lib o‘tadi.

"Benfika" xuddi "Portu" kabi Portugaliyada ustunlik qiladi, ular ajoyib jamoa. Bu o‘yinlarda biz hujumga o‘tishimiz va himoyalanishimiz, muvaffaqiyatga erishish uchun esa boshimiz va yuragimizni ishga solishimiz kerak. "Benfika"da juda ko‘p texnikasi kuchli futbolchilar bor, ular to‘p bilan ham, to‘psiz ham bo‘shliqni nazorat qila oladi. Bizdan maksimal fidoyilik talab etiladi”, - dedi “neradzurrilar” bosh murabbiyi o‘yinoldi matbuot anjumanida.