"Интер" бош мураббийи Симоне Индзаги жамоасининг Чемпионлар лигаси 1/4 финалидаги рақиби - "Бенфика"нинг савияси ҳақида гапирди.

Биринчи учрашув 11 апрель куни Лиссабонда, жавоб учрашуви 19 апрел куни Миланда бўлиб ўтади.

"Бенфика" худди "Порту" каби Португалияда устунлик қилади, улар ажойиб жамоа. Бу ўйинларда биз ҳужумга ўтишимиз ва ҳимояланишимиз, муваффақиятга эришиш учун эса бошимиз ва юрагимизни ишга солишимиз керак. "Бенфика"да жуда кўп техникаси кучли футболчилар бор, улар тўп билан ҳам, тўпсиз ҳам бўшлиқни назорат қила олади. Биздан максимал фидойилик талаб этилади”, - деди “нерадзуррилар” бош мураббийи ўйинолди матбуот анжуманида.