"Bavariya" markaziy himoyachisi Matteys de Ligt "Manchester Siti" hujumchisi Erling Xoland bilan bo‘lajak duel haqida gapirdi.
Norvegiyalik futbolchi ayni damda Angliya Premyer-ligasi va Chempionlar ligasining eng yaxshi to‘purari hisoblanadi. 11 aprel kuni eng nufuzli yevrokubokning chorak finalida “Bavariya” mehmonda “shaharliklar”ga qarshi maydonga tushadi.
“Xoland – dunyoning eng yaxshi hujumchilaridan biri, u hozir ajoyib formada va uning qanchalik yaxshi ekanligini hamma biladi. Biroq, har qanday holatda ham, biz o‘z vazifalarimizga e’tibor qaratishimiz va birgalikda harakat qilishimiz kerak. Hatto Xoland kabi ajoyib futbolchi ham jamoadoshlari yordamisiz kurashishga qiynaladi”, dedi de Ligt matbuot anjumanida.
