"Бавария" марказий ҳимоячиси Маттейс де Лигт "Манчестер Сити" ҳужумчиси Эрлинг Холанд билан бўлажак дуэл ҳақида гапирди.
Норвегиялик футболчи айни дамда Англия Премьер-лигаси ва Чемпионлар лигасининг энг яхши тўпурари ҳисобланади. 11 апрель куни энг нуфузли еврокубокнинг чорак финалида “Бавария” меҳмонда “шаҳарликлар”га қарши майдонга тушади.
“Холанд – дунёнинг энг яхши ҳужумчиларидан бири, у ҳозир ажойиб формада ва унинг қанчалик яхши эканлигини ҳамма билади. Бироқ, ҳар қандай ҳолатда ҳам, биз ўз вазифаларимизга эътибор қаратишимиз ва биргаликда ҳаракат қилишимиз керак. Ҳатто Холанд каби ажойиб футболчи ҳам жамоадошлари ёрдамисиз курашишга қийналади”, деди де Лигт матбуот анжуманида.
