"Napoli" hujumchisi Viktor Osimxen faoliyatini "Bavariya"da davom ettirishga qarshi emas. Jurnalist Florian Plettenbergning yozishicha, nigeriyalik hujumchi Tomas Tuxel jamoasiga o‘tishga tayyor.
Shu bilan birga, manbaning qo‘shimcha qilishicha, "Bavariya" rahbariyati Viktorni juda yaxshi ko‘radi. Biroq yozda hammasi transferning so‘ralayotgan narxi va bosh murabbiy Tomas Tuxelning xohishiga bog‘liq bo‘ladi. "Bavariya" bu kelishuv uchun 100 million yevro berishga tayyor, ammo "Napoli" bundan ham ko‘proq talab qilishi mumkin.
Ayni damda Osimxen mushak jarohatidan davolanmoqda, u ertaga Chempionlar Ligasi chorak finalida "Milan"ga qarshi o‘yinni o‘tkazib yuboradi. Joriy mavsumda nigeriyalik barcha musobaqalarda 25 ta gol urdi.