"Наполи" ҳужумчиси Виктор Осимхен фаолиятини "Бавария"да давом эттиришга қарши эмас. Журналист Флориан Плеттенбергнинг ёзишича, нигериялик ҳужумчи Томас Тухель жамоасига ўтишга тайёр.
Шу билан бирга, манбанинг қўшимча қилишича, "Бавария" раҳбарияти Викторни жуда яхши кўради. Бироқ ёзда ҳаммаси трансфернинг сўралаётган нархи ва бош мураббий Томас Тухелнинг хоҳишига боғлиқ бўлади. "Бавария" бу келишув учун 100 миллион евро беришга тайёр, аммо "Наполи" бундан ҳам кўпроқ талаб қилиши мумкин.
Айни дамда Осимхен мушак жароҳатидан даволанмоқда, у эртага Чемпионлар Лигаси чорак финалида "Милан"га қарши ўйинни ўтказиб юборади. Жорий мавсумда нигериялик барча мусобақаларда 25 та гол урди.