Leverkuzenning “Bayer” klubi vingeri Mussa Diabi bir qancha Yevropa futbol gigantlarining e’tiborini tortdi. Bu haqda Footmercato xabar bermoqda.
Manbaga ko‘ra, futbolchiga Fransiyaning "PSJ" klubi qiziqish bildirmoqda. Agar bosh murabbiy Kristof Galtye o‘z lavozimida qolsa, parijliklar "Bayer"dan vinger sotib olishga harakat qilishga tayyor.
23 yoshli Diabi "PSJ" tarbiyalanuvchisi bo‘lib, 2019 yilda Parij klubini tark etgan. Diabi Leverkuzenliklar safida barcha turnirlar doirasida 37ta o‘yin o‘tkazib, 13ta gol va 9ta golli uzatmani amalga oshirgan.