Tuttosport jurnalisti Massimo Franki huquqlari «Fiorentina»ga tegishli bo‘lgan Kiprning «Aris» klubining rossiyalik hujumchisi Aleksandr Kokorin haqida gapirdi.
«Kokorin «Fiorentina» va A Seriyadagi eng past darajali futbolchi, u eng yomoni. Hujumchi Florensiyada muvaffaqiyatsizlikka uchragach, Kipr chempionatiga ijaraga berilgani bejiz emas. O‘ylaymanki, klub u bilan shartnomani bekor qiladi», - dedi Franki RB Sport nashriga.
Joriy mavsumda 32 yoshli hujumchi «Aris» safida 24 ta o‘yinda qatnashib, 11 ta gol urdi va 6 ta golli uzatmani amalga oshirdi.
Kokorinning «Fiorentina» bilan tuzgan shartnomasi 2024 yilning yoziga qadar amal qiladi. Transfermarkt ma’lumotlariga ko‘ra, futbolchining narxi 800 000 yevro.
