Tuttosport журналисти Массимо Франки ҳуқуқлари «Фиорентина»га тегишли бўлган Кипрнинг «Арис» клубининг россиялик ҳужумчиси Александр Кокорин ҳақида гапирди.
«Кокорин «Фиорентина» ва А Сериядаги энг паст даражали футболчи, у энг ёмони. Ҳужумчи Флоренцияда муваффақиятсизликка учрагач, Кипр чемпионатига ижарага берилгани бежиз эмас. Ўйлайманки, клуб у билан шартномани бекор қилади», - деди Франки РБ Спорт нашрига.
Жорий мавсумда 32 ёшли ҳужумчи «Арис» сафида 24 та ўйинда қатнашиб, 11 та гол урди ва 6 та голли узатмани амалга оширди.
Кокориннинг «Фиорентина» билан тузган шартномаси 2024 йилнинг ёзига қадар амал қилади. Transfermarkt маълумотларига кўра, футболчининг нархи 800 000 евро.
