Bir necha hafta oldin «PSJ» Serxio Ramos bilan shartnoma uzaytirilmasligini ma’lum qilgandi.

TodoFichajes xabariga ko‘ra, 37 yoshli ispaniyalik futbolchi faoliyatini Saudiya Arabistonida davom ettiradi.

Manbaga ko‘ra, Ramos allaqachon «An-Nasr»ning taklifini qabul qilgan. Shu tariqa, ispaniyalik himoyachi Krishtianu Ronaldu bilan yana birlashadi - ular avvalroq ko‘p yillar davomida «Real»da o‘ynagan. Portugaliyalik futbolchi yil boshidan buyon «An-Nasr»da to‘p tepmoqda.

Serxio Ramos «An-Nasr» bilan ikki mavsumlik shartnoma imzolaydi. Ularning har biri uchun tajribali futbolchi 15 million yevro ishlab oladi.

Qo‘shimcha qilamizki, Ramos 2021 yilning yozidan beri «PSJ»da o‘ynamoqda.