Бир неча ҳафта олдин «ПСЖ» Серхио Рамос билан шартнома узайтирилмаслигини маълум қилганди.
TodoFichajes хабарига кўра, 37 ёшли испаниялик футболчи фаолиятини Саудия Арабистонида давом эттиради.
Манбага кўра, Рамос аллақачон «Ан-Наср»нинг таклифини қабул қилган. Шу тариқа, испаниялик ҳимоячи Криштиану Роналду билан яна бирлашади - улар аввалроқ кўп йиллар давомида «Реал»да ўйнаган. Португалиялик футболчи йил бошидан буён «Ан-Наср»да тўп тепмоқда.
Серхио Рамос «Ан-Наср» билан икки мавсумлик шартнома имзолайди. Уларнинг ҳар бири учун тажрибали футболчи 15 миллион евро ишлаб олади.
Қўшимча қиламизки, Рамос 2021 йилнинг ёзидан бери «ПСЖ»да ўйнамоқда.