«Arsenal»ning sobiq futbolchisi Samir Nasri 2009 yilda «Manchester Yunayted»ga qarshi bo‘lib o‘tgan Chempionlar Ligasi yarim final uchrashuvini esladi.
«O‘yindan oldin ishonchimiz yuqori edi. Lekin biz muvaffaqiyatsizlikka uchradik. Biz chunki Krishtianu Ronalduga duch keldik», - deya Fransiya terma jamoasi sobiq yarim himoyachisining so‘zlarini keltiradi Daily Mail. Samir shuningdek, «Emireyts» stadionida bunday ajoyib muhitni birinchi marta ko‘rganini aytdi.
Eslatib o‘tamiz, 2009 yilgi Chempionlar ligasining yarim final javob bahsida «Arsenal» 1:3 hisobida mag‘lub bo‘lgandi. Londondagi o‘yinda Krishtianu Ronaldu «kanonirlar» darvozasiga dubl qayd etdi.
