"Manchester Siti" himoyachisi Jon Stouns o‘zini yarim himoyada sinab ko‘rdi, eksperiment yaxshi o‘tdi, uning jamoasi Yevropadagi eng nufuzli klub turniri - Chempionlar ligasining birinchi chorak final uchrashuvida "Bavariya"ni yirik hisobda mag‘lub etdi. Stouns o‘zining yangi tajribasi haqida fikr bildirdi.
"Men uchun bu maydonda joylashish borasida katta burilish bo‘ldi. Men o‘rganyapman. To‘pni egallaganimda o‘zimni ko‘proq ko‘rsatishga harakat qilaman. Agar murabbiy buni uddalay olishimga ishonmasa, ruxsat bermasdi. O‘yin juda yaxshi bo‘ldi", - dedi Stouns.
