"Манчестер Сити" ҳимоячиси Жон Стоунс ўзини ярим ҳимояда синаб кўрди, эксперимент яхши ўтди, унинг жамоаси Европадаги энг нуфузли клуб турнири - Чемпионлар лигасининг биринчи чорак финал учрашувида "Бавария"ни йирик ҳисобда мағлуб этди. Стоунс ўзининг янги тажрибаси ҳақида фикр билдирди.
"Мен учун бу майдонда жойлашиш борасида катта бурилиш бўлди. Мен ўрганяпман. Тўпни эгаллаганимда ўзимни кўпроқ кўрсатишга ҳаракат қиламан. Агар мураббий буни уддалай олишимга ишонмаса, рухсат бермасди. Ўйин жуда яхши бўлди", - деди Стоунс.