"Benfika" yarim himoyachisi Shikinyu o‘z uyida "Inter"dan uchralgan mag‘lubiyatdan so‘ng jamoasining imkoniyatlariga ishonmoqda.

Lissabonda bo‘lib o‘tgan Chempionlar ligasi chorak finalining birinchi o‘yini Simone Indzagi shogirdlarining 2:0 hisobidagi g‘alabasi bilan yakunlandi. Gollarga Nikolo Barella va Romelu Lukaku 51 va 82-daqiqalarda mualliflik qilishdi.

“O‘yin teng bo‘ldi. Gol urishimiz mumkin edi, ammo imkoniyatlarimizni golga aylantira olmadik. "Inter" - sifatli jamoa va biz bu oson bo‘lmasligini bilardik, lekin hech narsa yo‘qotilmadi. Milanda biz yarim finalga chiqish uchun bor kuchimizni ishga solamiz. Agar ular bu yerda ikkita gol urishgan bo‘lsa, nega Italiyada ikki yoki uchta gol urolmaymiz? - dedi Shikinyu CNN Portugal nashriga bergan intervyusida.