"Бенфика" ярим ҳимоячиси Шикинью ўз уйида "Интер"дан учралган мағлубиятдан сўнг жамоасининг имкониятларига ишонмоқда.
Лиссабонда бўлиб ўтган Чемпионлар лигаси чорак финалининг биринчи ўйини Симоне Индзаги шогирдларининг 2:0 ҳисобидаги ғалабаси билан якунланди. Голларга Николо Барелла ва Ромелу Лукаку 51 ва 82-дақиқаларда муаллифлик қилишди.
“Ўйин тенг бўлди. Гол уришимиз мумкин эди, аммо имкониятларимизни голга айлантира олмадик. "Интер" - сифатли жамоа ва биз бу осон бўлмаслигини билардик, лекин ҳеч нарса йўқотилмади. Миланда биз ярим финалга чиқиш учун бор кучимизни ишга соламиз. Агар улар бу ерда иккита гол уришган бўлса, нега Италияда икки ёки учта гол уролмаймиз? - деди Шикинью CNN Portugal нашрига берган интервьюсида.
