"Leypsig" "Arsenal" hujumchisi Folarin Balogun uchun yana bir da’vogarga aylandi, u Fransiyaning "Reyms" jamoasida ajoyib mavsumni o‘tkazmoqda. Eslatib o‘tamiz, hujumchi joriy mavsumda o‘z klubi uchun barcha turnirlarda 31 ta o‘yinda maydonga tushib, 19 ta gol urgan.
Jurnalist Florian Plettenbergning so‘zlariga ko‘ra, “Leypsig” hujumchini transfer maqsadlari ro‘yxatiga kiritib bo‘lgan. Ular “Chelsi”ga o‘tishi mumkin bo‘lgan Kristofer Nkunku o‘rnini aynan Balogun orqali to‘ldirmoqchi.
Avvalroq, 21 yoshli futbolchining huquqlariga ega bo‘lgan "Arsenal" hujumchiga asosiy tarkibdan joy olishga kafolat bera olmasligini aytgandi.
