"Barselona" yarim himoyachisi Gavi haqida yangi ma’lumotlar paydo bo‘ldi. Sport.es jurnalistlariga ma’lum bo‘lishicha, 18 yoshli futbolchi Londonning "Chelsi"siga o‘tmoqchi emas. Yarim himoyachi "ko‘k-anorranglilar" uchun o‘ynashda davom ettirmoqchi.
Eslatib o‘tamiz, Gavi hozirda "Barselona" bilan yangi mehnat shartnomasi bo‘yicha maosh olmoqda, garchi bu shartnoma hali rasman ro‘yxatdan o‘tmagan bo‘lsada. Kataloniyaliklar muammoni tezroq hal qilish ustida ishlamoqda.
Yarim himoyachi joriy mavsumda 27 ta o‘yinda maydonga tushib, 1 ta gol va 3 ta golli uzatmaga mualliflik qilgan.
