"Барселона" ярим ҳимоячиси Гави ҳақида янги маълумотлар пайдо бўлди. Sport.es журналистларига маълум бўлишича, 18 ёшли футболчи Лондоннинг "Челси"сига ўтмоқчи эмас. Ярим ҳимоячи "кўк-анорранглилар" учун ўйнашда давом эттирмоқчи.
Эслатиб ўтамиз, Гави ҳозирда "Барселона" билан янги меҳнат шартномаси бўйича маош олмоқда, гарчи бу шартнома ҳали расман рўйхатдан ўтмаган бўлсада. Каталонияликлар муаммони тезроқ ҳал қилиш устида ишламоқда.
Ярим ҳимоячи жорий мавсумда 27 та ўйинда майдонга тушиб, 1 та гол ва 3 та голли узатмага муаллифлик қилган.
