Italiyaning «Napoli» klubi Chempionlar Ligasi chorak finalining birinchi o‘yinida «Milan»ga yutqazdi, bundan tashqari, jamoa javob o‘yinida kuchsizlangan tarkibda o‘ynashiga to‘g‘ri keladi – Angissa va Min Chje diskvalifikasiyaga uchragan. Viktor Osimxen esa maydonga qaytadi.
Klub ustozi bularning barchasidan xafa va u Angissaning chetlatilishini adolatsizlik deb hisoblaydi.
«Mavsumning bu pallasida uning tarkibda yo‘qligi albatta, barcha rejalarga xalaqit beradi. Lekin bizda uning o‘rnini bosa oladigan futbolchilar bor.
Angissa o‘yinni o‘tkazib yuborishidan juda xafa, menimcha, u nohaq chetlatildi», - deya Spallettining so‘zlarini keltiradi pianetamilan.it.
