Xvicha Kvarasxeliya Italiyada debyut mavsumini ajoyib o‘tkazmoqda. 22 yoshli gruziyalik futbolchi “Napoli” safida 33 ta rasmiy o‘yinda maydonga tushib, 14 ta gol urdi va 16 ta golli uzatmani amalga oshirdi.

Goal portalining Fichajes nashriga tayanib xabar berishicha, "Liverpul" yozgi transfer oynasida Xvicha bilan shartnoma imzolash g‘oyasi bilan band. Bu klubda omadsiz mavsumdan keyin tarkibni jiddiy qayta qurish rejalashtirilgan.

Manbaning xabariga ko‘ra, "Liverpul" Kvarasxeliya uchun 130 million yevrolik taklif tayyorlamoqda.