"Nissa" yarim himoyachisi Kefren Tyuram yozgi transfer oynasida jamoasini o‘zgartirishi mumkin, deya xabar beradi Footmercato.

Manbaning xabariga ko‘ra, 22 yoshli yarim himoyachining transferiga "Liverpul", "Manchester Siti", "PSJ" va Dortmundning "Borussiya" klublari qiziqish bildirmoqda. Oldinroq "Nyukasl" uning uchun kurashishga tayyor ekani haqida xabar berilgandi.

Tyuram 2019 yildan beri “Nissa”da to‘p tepadi. Joriy mavsumda u klub safida barcha musobaqalarda 41 ta o‘yinda maydonga tushib, 2 ta gol urdi va 8 ta golli uzatmani amalga oshirdi.