"Ницца" ярим ҳимоячиси Кефрен Тюрам ёзги трансфер ойнасида жамоасини ўзгартириши мумкин, дея хабар беради Footmercato.
Манбанинг хабарига кўра, 22 ёшли ярим ҳимоячининг трансферига "Ливерпуль", "Манчестер Сити", "ПСЖ" ва Дортмунднинг "Боруссия" клублари қизиқиш билдирмоқда. Олдинроқ "Ньюкасл" унинг учун курашишга тайёр экани ҳақида хабар берилганди.
Тюрам 2019 йилдан бери “Ницца”да тўп тепади. Жорий мавсумда у клуб сафида барча мусобақаларда 41 та ўйинда майдонга тушиб, 2 та гол урди ва 8 та голли узатмани амалга оширди.