Xarri Keyn yozda klubini o‘zgartirishi mumkin. Independent xabariga ko‘ra, "Bavariya" 29 yoshli futbolchi uchun jozibador taklif tayyorlamoqda. Bu "Tottenxem" va Keynni o‘ylashga majbur qiladigan taklif bo‘ladi, dedi manba.
Keynning "Tottenxem" bilan amaldagi shartnomasi 2023/2024 yilgi mavsum oxirigacha amal qiladi. Vaziyatdan kelib chiqqan holda, London klubi bir yildan keyin uni tekinga yo‘qotmaslik uchun o‘z yulduzini yozda sotish haqida o‘ylab ko‘rishi oqilona bo‘lardi.
Transfermarkt ekspertlari Xarri Keynni 90 million yevroga baholamoqda.
