"Real" bosh murabbiyi Karlo Anchelotti vinger Marko Asensioni jamoasida qoldirishni istamoqda.
27 yoshli futbolchi hali klub bilan shartnomani uzaytirish borasida kelishib olgani yo‘q, amaldagi kelishuv esa iyun oyida yakuniga yetadi.
"Umid qilamanki, u qoladi. Tarkibda shunday futbolchining borligi juda muhim, chunki u istalgan vaqtda gol urishi yoki golli uzatma berishi mumkin. U har doim gol uradi, men unga ishonaman", - deydi Anchelotti.
Marko Asensio kecha "Chelsi"ga qarshi o‘yinda (2:0) o‘yinning 74-daqiqasida zaxiradan maydonga tushganidan so‘ng gol urdi.
