"Barselona" haligacha "Manchester Siti" yarim himoyachisi Ilkay Gyundogan transferi borasida kelishib olgani yo‘q. Jurnalist Ferran Korreasning ma’lumotlariga ko‘ra, nemis hali o‘tishga yakuniy rozilik bermagan.
Biroq manbaning aytishicha, tomonlar o‘rtasidagi kelishuv tobora yaqinlashib bormoqda. Gyundogan "Manchester Siti" bilan shartnomasini uzaytirmaslik va tekinga "Barselona"ga o‘tishga intilmoqda.
Eslatib o‘tamiz, Gyundogan "Barselona" bosh murabbiyi Xavi Ernandesning ustuvor maqsadlaridan biridir. Murabbiylar “Manchester Siti”ning yana bir yarim himoyachisi Bernardu Silvaga ham qiziqish bildirishmoqda.