"Chelsi" yana bir bor Meyson Mauntni shartnomasini uzaytirishga ko‘ndirishga urinib ko‘radi.
Yarim himoyachining amaldagi shartnomasi 2024 yilda yakuniga yetadi. Avvalroq tomonlar kelishuv shartlari bo‘yicha kelisha olmagan, shu sabab muzokaralar muzlatilgan edi.
ESPN nashri ma’lumotlariga ko‘ra, "Chelsi" tez orada Maunt bilan yana muzokara o‘tkazishga harakat qiladi, bu Angliya terma jamoasi futbolchisini yangi uzoq muddatli shartnoma imzolashga ishontirishning so‘nggi urinishi bo‘lishi mumkin.
Premyer-liganing boshqa klublari Meyson Mauntga qiziqish bildirmoqda, jumladan, "Liverpul" va "Nyukasl". Transfermarkt portali 24 yoshli yarim himoyachining narxini 65 million yevroga baholamoqda.