"Челси" яна бир бор Мейсон Маунтни шартномасини узайтиришга кўндиришга уриниб кўради.
Ярим ҳимоячининг амалдаги шартномаси 2024 йилда якунига етади. Аввалроқ томонлар келишув шартлари бўйича келиша олмаган, шу сабаб музокаралар музлатилган эди.
ESPN нашри маълумотларига кўра, "Челси" тез орада Маунт билан яна музокара ўтказишга ҳаракат қилади, бу Англия терма жамоаси футболчисини янги узоқ муддатли шартнома имзолашга ишонтиришнинг сўнгги уриниши бўлиши мумкин.
Премьер-лиганинг бошқа клублари Мейсон Маунтга қизиқиш билдирмоқда, жумладан, "Ливерпуль" ва "Ньюкасл". Transfermarkt портали 24 ёшли ярим ҳимоячининг нархини 65 миллион еврога баҳоламоқда.