"Arsenal" bosh murabbiyi Mikel Artetaning fikricha, Premyer-liga chempionligini qo‘lga kiritish uchun jamoaga omad kerak bo‘ladi.
“Bizga omad kerak. Omad va u qayerdan kelgani muhim. Sportning boshqa tomoni ham bor, ba’zida uning natijalarini santimetrlar hal qiladi. Va bu santimetrlar sizning foydangizga bo‘lishi kerak. Biz hozir qayerda ekanligimizdan xursandmiz. Hozir biz boshlagan ishlarni tugatishimiz kerak. Buning uchun biz hammadan qo‘shimcha mehnat talab qilamiz", - deya Artetadan iqtibos keltiradi Sky Sports.
