"PSJ" klubi "Lester"da ijara asosida to‘p surayotgan "Shaxtyor"ning braziliyalik yarim himoyachisi Tetega qiziqish bildirmoqda, deb xabar beradi PL Brasil.
Manbaning xabariga ko‘ra, fransuz klubi yozgi transfer oynasida futbolchini sotib olish variantini ko‘rib chiqmoqda. Yarim himoyachi parijliklarning sport direktori Luish Kampushga yoqadi. Biroq futbolchining o‘zi ham Premyer-ligada qolishni istamoqda. Unga "Chelsi", "Tottenxem" va "Everton" klublari ham qiziqish bildirmoqda.
23 yoshli Tete "Lester"ga 2023 yilning yanvarida kelib qo‘shilgandi. U ingliz klubi safida 10ta o‘yin o‘tkazib, 1ta gol urdi. Uning "Shaxtyor" bilan shartnomasi 2023 yilning 31 dekabriga qadar amal qiladi.













