"Barselona" bosh murabbiyi Xavi matbuot anjumanida yarim himoyachi Serxio Busketsning kelajagi haqida gapirdi.
Xabaringiz bor, 34 yoshli Busketsning amaldagi shartnomasi joriy mavsum oxirigacha mo‘ljallangan.
"Eng muhimi, Buskets xotirjam va u bizga mavsum oxirigacha yordam beradi. Menimcha, uning qarori Messining transferiga asoslanmaydi.
O‘ylab qarasam, tanlash qanchalik qiyinligini bilaman. Agar Buskets qolsa, u baribir jamoa uchun muhim bo‘lib qoladi", - dedi Xavi jurnalistlarga.
“Barselona” ayni damda Ispaniya chempionati turnir jadvalida ishonchli tarzda peshqadamlik qilmoqda. Kataloniyaliklar “Real”dan 13 ochko oldinda.
