Luka Modrichning kelajagi asosiy muhokama mavzusi bo‘lib qolmoqda - xorvatiyalik yarim himoyachining «Real» bilan amaldagi shartnomasi mavsum oxirida yakuniga yetadi.

37 yoshli futbolchi Madrid klubida qolmoqchi, biroq tomonlar yangi shartnoma borasida hali muhokamaga kirishmagan. Bu haqda nufuzli insayder Fabrisio Romano xabar bermoqda.

Modrich yangi shartnomani muhokama qilish uchun «Real»dan qo‘ng‘iroq kelishini kutmoqda», - deb yozadi Romano ijtimoiy tarmoqda.

Luka Modrich 2012 yilning yozida «Real»ga o‘tgan edi. O‘shandan beri xorvatiyalik futbolchi «qaymoqranglilar» safida 476 ta o‘yin o‘tkazgan. Ularda Modrich 37 ta gol urdi va 77 ta golli uzatmani amalga oshirdi.