Лука Модричнинг келажаги асосий муҳокама мавзуси бўлиб қолмоқда - хорватиялик ярим ҳимоячининг «Реал» билан амалдаги шартномаси мавсум охирида якунига етади.
37 ёшли футболчи Мадрид клубида қолмоқчи, бироқ томонлар янги шартнома борасида ҳали муҳокамага киришмаган. Бу ҳақда нуфузли инсайдер Фабрицио Романо хабар бермоқда.
Модрич янги шартномани муҳокама қилиш учун «Реал»дан қўнғироқ келишини кутмоқда», - деб ёзади Романо ижтимоий тармоқда.
Лука Модрич 2012 йилнинг ёзида «Реал»га ўтган эди. Ўшандан бери хорватиялик футболчи «қаймоқранглилар» сафида 476 та ўйин ўтказган. Уларда Модрич 37 та гол урди ва 77 та голли узатмани амалга оширди.
