«Chelsi» o‘z o‘yinini topa olmayapti, murabbiylar ko‘prigining o‘zgarishi hech qanday ta’sir ko‘rsatmadi.
Bugun «Chelsi» o‘z uyida «Brayton»ga qarshi o‘yinda mag‘lub bo‘ldi - 1:2. Birinchi bo‘limda De Zerbi shogirdlari raqib darvozasi tomon 12 ta zarba bera olishdi.
Opta ma’lumotlariga ko‘ra, kuzatuvlar tarixida (2003/2004 yilgi mavsumdan beri) hech kim «Stemford Bridj»da Premyer-ligada mehmondagi o‘yinda bunchalik ko‘p zarba bermagan.
Eslatib o‘tamiz, Roman Abramovich «Chelsi»ni 2003 yilda sotib olgandi - aynan o‘sha paytdan boshlab zarbalarning batafsil statistikasi yig‘ila boshlandi. Rossiyalik tadbirkor klubni 2022 yilda sotib yuborgan.