Madridning "Real" klubi yozgi transfer oynasida o‘ng qanot himoyasini kuchaytirish maqsadida "Chelsi" himoyachisi Ris Jeyms bilan shartnoma imzolamoqchi. Agarda bu transfer amalga oshmasa, madridliklar zaxira varianti sifatida "Liverpul" futbolchisi Trent Aleksander-Arnoldga e’tibor qaratadi.
Insayder Ekrem Konurning ma’lumotlariga ko‘ra, "qirollik klubi"da Aleksander-Arnold variantidan tashqari "Bayer"dan Jeremi Frimpong bilan shartnoma imzolash niyati ham bor.
24 yoshli Aleksandr-Arnold hozirda "Liverpul"da juda yaxshi o‘yin ko‘rsatmoqda. Transfermarkt portali mutaxassislari yulduz futbolchini 65 million yevroga baholamoqda. 22 yoshli Frimpongning narxi 35 million yevro.
