«Lasio» hujumchisi Chiro Immobile Rimda jiddiy avtohalokatga uchradi, deya xabar bermoqda RaiNews24.

Hodisa bugun, 16 aprel kuni sodir bo‘lgan. Guvohlarning so‘zlariga ko‘ra, futbolchi boshqarayotgan Land Rover avtomobili Prati shahri chorrahasida tramvayga borib urilgan.

Zarba kuchli bo‘lgan va mashinaning old qismi butunlay vayron bo‘lgan. Tramvay ham shikastlangan va relsdan chiqib ketgan.

Hodisa oqibatida futbolchi jabrlanmagan. U bilan birga mashinada uning qizlaridan biri bo‘lgan, u ham hech qanday zarar ko‘rmagan.

Tramvay haydovchisi va yana ikki yo‘lovchi jarohat olib, shifoxonaga yetkazilgan.

Polisiya voqea joyini tergov qilmoqda. Guvohlarning so‘zlariga ko‘ra, tramvay svetoforning qizil chirog‘ida chorrahadan o‘tgan.