«Лацио» ҳужумчиси Чиро Иммобиле Римда жиддий автоҳалокатга учради, дея хабар бермоқда RaiNews24.

Ҳодиса бугун, 16 апрель куни содир бўлган. Гувоҳларнинг сўзларига кўра, футболчи бошқараётган Land Rover автомобили Прати шаҳри чорраҳасида трамвайга бориб урилган.

Зарба кучли бўлган ва машинанинг олд қисми бутунлай вайрон бўлган. Трамвай ҳам шикастланган ва рельсдан чиқиб кетган.

Ҳодиса оқибатида футболчи жабрланмаган. У билан бирга машинада унинг қизларидан бири бўлган, у ҳам ҳеч қандай зарар кўрмаган.

Трамвай ҳайдовчиси ва яна икки йўловчи жароҳат олиб, шифохонага етказилган.

Полиция воқеа жойини тергов қилмоқда. Гувоҳларнинг сўзларига кўра, трамвай светофорнинг қизил чироғида чорраҳадан ўтган.