Madridning «Real» klubi yarim himoyachi Aureliyen Tchuamenini sotish niyatida emas. Bu haqda AS xabar bermoqda.

Garchi «Real» Tchuamenini boshlang‘ich tarkibga kiritmayotgan bo‘lsada, klub uni sotish bo‘yicha takliflarni ko‘rib chiqmoqchi emas.

«Real» yarim himoyachining kamchiliklarini jamoaga moslashish bilan bog‘liq deb hisoblamoqda. Oldinroq «Liverpul» Tchuameni uchun 80 million yevro taklif qilishga tayyorligi xabar qilingandi.

Tchuameni 2022 yilning yozida «Monako»dan «Real»ga o‘tgandi. «Qaymoqranglilar» bu transfer uchun 80 million yevro to‘lagan.

Joriy mavsumda Tchuameni barcha musobaqalarda «Real»ning 36ta o‘yinida ishtirok etgan.