Rossiya terma jamoasi Kamerun termasi bilan o‘rtoqlik uchrashuvi o‘tkazishi mumkin.
Sport Express xabariga ko‘ra, o‘yin shu yil oxirigacha Rossiyada bo‘lib o‘tishi mumkin. Aprel oyi boshida RFI prezidenti Aleksandr Dyukov Afrika termalari bilan o‘yin o‘tkazishga ruxsat berdi.
Eslatib o‘tamiz, 26 mart kuni Valeriy Karpin boshchiligidagi Rossiya terma jamoasi o‘rtoqlik uchrashuvida Iroq terma jamoasini mag‘lub etgandi.
O‘yin Sankt-Peterburgdagi «Gazprom Arena» stadionida bo‘lib o‘tdi va Rossiya jamoasining 2:0 hisobidagi g‘alabasi bilan yakunlandi.
Terma jamoa uchun bu uchrashuv mart oyidagi yig‘indagi ikkinchisi bo‘ldi. 23 mart kuni Valeriy Karpin shogirdlari Tehronda Eron bilan durang o‘ynagandi (1:1). Iroq bilan Sankt-Peterburgdagi o‘yin ruslar uchun so‘nggi bir yarim yil ichidagi birinchi xalqaro uy o‘yini bo‘ldi.
2022 yilning mart oyidan boshlab Rossiya klublari va terma jamoalari FIFA va UYEFA shafeligidagi xalqaro musobaqalardan chetlashtirildi.
