«Barselona»ning uchta asosiy o‘yinchisi mashg‘ulotlarni davom ettirdi.

Gap Frenki de Yong, Pedri va Usmon Dembele haqida ketmoqda. AS o‘z sahifalarida ular haqida xabar berdi.

Dembele yanvar oyining oxiridan beri, Pedri fevral oyining o‘rtalaridan beri o‘ynamadi, De Yong esa mart oyidagi terma jamoalar tanaffusiga biroz vaqt qolganda safdan chiqqan edi.

Garchi asosiy tarkib futbolchilari uchligi mashg‘ulotlarni qayta boshlagan bo‘lsada, ular o‘yinda qachon maydonga tushishlari hozircha aniq emas.

Kelayotgan yakshanba kuni «Atletiko»ga qarshi o‘yinga kimningdir 100% tayyor bo‘lishi yoki yo‘qligini aytish qiyin.

«Barselona» ayni damda Ispaniya chempionatida ikkinchi o‘rindagi «Real»ni 11 ochkoga ortda qoldirib, ishonchli tarzda peshqadamlik qilmoqda.