«Барселона»нинг учта асосий ўйинчиси машғулотларни давом эттирди.
Гап Френки де Йонг, Педри ва Усмон Дембеле ҳақида кетмоқда. AS ўз саҳифаларида улар ҳақида хабар берди.
Дембеле январь ойининг охиридан бери, Педри февраль ойининг ўрталаридан бери ўйнамади, Де Йонг эса март ойидаги терма жамоалар танаффусига бироз вақт қолганда сафдан чиққан эди.
Гарчи асосий таркиб футболчилари учлиги машғулотларни қайта бошлаган бўлсада, улар ўйинда қачон майдонга тушишлари ҳозирча аниқ эмас.
Келаётган якшанба куни «Атлетико»га қарши ўйинга кимнингдир 100% тайёр бўлиши ёки йўқлигини айтиш қийин.
«Барселона» айни дамда Испания чемпионатида иккинчи ўриндаги «Реал»ни 11 очкога ортда қолдириб, ишончли тарзда пешқадамлик қилмоқда.
