«Chelsi» himoyachisi Levi Kolvillga APLning yana ikki grandi «Manchester Siti» va «Liverpul» qiziqish bildirmoqda.
The Athletic nashriga ma’lum bo‘lishicha, 20 yoshli futbolchining London klubidagi kelajagi jamoaga kim bosh murabbiy bo‘lishiga bog‘liq bo‘ladi.
«Chelsi» Kolvill bilan shartnomani uzaytirmoqchi, biroq futbolchi o‘z kelajagi haqida faqat jamoaning yangi bosh murabbiyi e’lon qilingandan keyingina qaror qabul qiladi.
Amaldagi shartnomasi Levi Kolvillni 2024/2025 yilgi mavsum oxirigacha «Chelsi» bilan bog‘laydi. Hozir himoyachi «Brayton»da ijara asosida o‘ynamoqda.













