«Челси» ҳимоячиси Леви Колвиллга АПЛнинг яна икки гранди «Манчестер Сити» ва «Ливерпуль» қизиқиш билдирмоқда.
The Athletic нашрига маълум бўлишича, 20 ёшли футболчининг Лондон клубидаги келажаги жамоага ким бош мураббий бўлишига боғлиқ бўлади.
«Челси» Колвилл билан шартномани узайтирмоқчи, бироқ футболчи ўз келажаги ҳақида фақат жамоанинг янги бош мураббийи эълон қилингандан кейингина қарор қабул қилади.
Амалдаги шартномаси Леви Колвиллни 2024/2025 йилги мавсум охиригача «Челси» билан боғлайди. Ҳозир ҳимоячи «Брайтон»да ижара асосида ўйнамоқда.
