The Telegraph xabariga ko‘ra, "Tottenxem" jamoasi bosh murabbiyi lavozimiga ispaniyalik mutaxassis Luis Enrikeni taklif qilish imkoniyatini ko‘rib chiqmoqda.
Agar "shporlar" Enrikeni chindan ham qo‘lga kiritishni istasa, u holda "Chelsi" bilan raqobatlashishiga to‘g‘ri keladi, deb yozadi gazeta. Xabar qilinishicha, "shporlar" barcha masalalarni muhokama qilish uchun "ko‘klar" rahbariyatidan so‘ng Enrikeni suhbatga taklif qilmoqchi.
Kristian Stellini hozirda bosh murabbiy vazifasini bajaruvchi bo‘lib ishlamoqda. Avvalroq klubni mart oyidagi xalqaro tanaffus vaqtida jamoani tark etgan italiyalik Antonio Konte boshqargan.
"Tottenxem"ning qisqa ro‘yxatidan shuningdek, Yurgen Klinsmann, Brendan Rojers, Vensan Kompani, Maurisio Pochettino, Grem Potter va Yulian Nagelsmann ham bor.
